Rauf Şahsuvarov
Rauf Arif oğlu Şahsuvarov - Azərbaycanın kino və teatr aktyoru, AXC-nin Xalq maarifi və dini etiqad naziri (Minkəndli olan) Nurməmməd bəy Şahsuvarovun nəvəsidir. Rauf Arif oğlu Şahsuvarov (Əslən və nəslən Minkəndlidir) 16 fevral 1967-cı ildə Laçın şəhərində anadan olub. 1974-1984-cü illərdə Laçın şəhər 2 saylı orta məktəbində təhsil alıb. 1985-ci ildə Mirzəağa Əliyev adına Azərbaycan Dövlət İncəsənət İnstitutunun (indiki Azərbaycan Dövlət Mədəniyyət və İncəsənət Universiteti) dram teatrı və kino aktyorluğu fakultəsinə daxil olub. 1985-1987-ci illərdə hərbi xidmətdə olub və hərbi xidməti bitirdikdən sonra 1987-ci ildən təhsilini davam edərək 1991-ci ildə aktyorluq ixtisasına yiyələnib. İnstitut müəllimi xalq artisti, kinorejissor Eldar Quliyev olmuşdur. Rauf Şahsuvarov 1991-ci ildə təyinatla yeni açılmlş Şuşa Dövlət musiqili dram teatrına göndərilib və 2011-ci ilədək bir neçə il fasilələrlə həmin teatrda işləmişdir O, 1991-1992-ci illərdə Arif Paşayevin komandiri olduğu Azərbaycanda olan ilk nizami alayın-Laçın alayının tərkibində Qarabağ müharibəsində iştirak edib. Rauf Şahsuvarov hal-hazırda Bakı Uşaq teatrında işləyir. İşlədiyi illər ərzində teatrda bir neçə tamaşanın quruluşçu rejissoru olmuş və müxtəlif rollar oynamışdır.
- Başlıq: Rauf Şahsuvarov
- Populyarlıq: 0.001
- Tanınan: Acting
- Ad günü: 1967-02-16
- Doğum yeri: Lachin, Azerbaijan SSR, USSR [now Azerbaijan]
- Ana səhifə:
- Başqa adla: Rauf Arif oğlu Şahsuvarov
